यातायात व्यवस्था कार्यालय, सवारी चालक अनुमतिपत्र उपर आरोपपत्र दायर।

८ मङ्सीर, काठमाडौं । अख्तियार दुरुपयोग अनुसन्धान आयोगले यातायात व्यवस्था कार्यालय सवारी चालक अनुमतिपत्र, बाग्मती एकान्तकुना ललितपुर (हाल यातायात व्यवस्था कार्यालय, सवारी चालक अनुमतिपत्र प्रदेश नं.३ ललितपुर) का तत्कालीन कार्यालय प्रमुख उपसचिव आनन्द केशरी पोखरेलसहित ३८ जना उपर आरोपपत्र दायर गरिएको छ । 

मिति २०६९ वैशाख, जेष्ठ र आषाढ महिनाभित्र प्रयोगात्मक परीक्षामा फेल भएका १२८४ जनाको नतिजा गैरकानुनी लाभ पुर्‍याउने बदनियतले फेलबाट पास बनाई परीक्षाको परिणाम फेरबदल गरी सवारी चालक अनुमतिपत्र जारी गरेको र उक्त जारी गरेका सवारी चालक अनुमतिपत्रहरु मध्ये नयाँ सवारी चालक अनुमतिपत्र (New License) हरुको कार्यालयमा रहेको अभिलेख लगायतका सरकारी कागजात नोक्सान गरेको र उक्त जारी गरिएका सवारी चालक अनुमतिपत्रहरुको लिनुपर्ने राजश्च रकमसमेत नलिई राजस्व चुहावट गरी ३८ (अठ्तीस) जना कर्मचारीहरुले सरकारी सम्पत्ति हिनामिना हानिनोक्सानी गरेको पुष्टि भएको प्रवक्ता कोइरालाले बताए ।

कर्मचारीहरू कार्यालय प्रमुख (उपसचिव) आनन्द केशरी पोखरेल, इन्जिनियर (हाल अवकास) बासुदेव पोखरेल, प्रहरी निरीक्षक  मुरारी मिश्र, तत्कालीन प्रहरी निरीक्षक हाल प्रहरी नायब उपरीक्षक नवराज थापा, शाखा अधिकृत (हाल अवकास) राममणी पोखरेल, शाखा अधिकृत (हाल निलम्बन)  ईश्वरराज रेग्मी , शाखा अधिकृत  शम्भुप्रसाद थपलिया, तत्कालीन शाखा अधिकृत (हाल उपसचिव) धर्मराज ढुङ्गाना र तत्कालीन शाखा अधिकृत (हाल उपसचिव) बाबुलाल रेग्मी तथा सवारी चालक अनुमतिपत्र (स.चा.अ.प.) जारी गर्न जारी गरेका कर्मचारीहरू शाखा अधिकृत (हाल निलम्बन) चक्रबहादुर श्रेष्ठ, शाखा अधिकृत  पदमप्रसाद पोखरेल, शाखा अधिकृत (हाल अधिकृत स्तर आठौं)  वासुदेब तिवारी, शाखा अधिकृत(हाल सेवा निवृत्त) भरतकुमार थापा, शाखा अधिकृत (हाल निलम्बन) सिताराम खनाल, शाखा अधिकृत भविन्द्र कार्की र नायव सुब्बा  वच्चुप्रसाद पोखरेल तथा सिफारिस गरेका कर्मचारीहरू नायव सुब्बा (हाल अधिकृत छैठौं) स्थानेश्वर ढुङ्गाना, नायव सुब्बा कमलकुमार खत्री, नायव सुब्बा (हाल निलम्बन) मदन गिरी, नायव सुब्बा प्रेमराज निरौला, नायव सुब्बा(हाल अवकास)   राधाकृष्ण पोखरेल, नायव सुब्बा (हाल अधिकृत छैठौं) सत्यबहादुर भण्डारी, नायव सुब्बा शिवप्रसाद चापागाई , नायव सुब्बा (हाल अधिकृत छैठौं)  उमाकान्त जोशी, प्राविधिक नायब सुब्बा (हाल अवकास) सुर्य बज्र वज्राचार्य , कम्प्युटर अपरेटर (हाल अधिकृत सातौं) सन्जिव न्यौपाने , टाईपिष्ट नायव सुब्बा कविता खड्का, टाईपिष्ट नायव सुब्बा रञ्जुसेन पाण्डे, खरिदार(हाल ना.सु.)  वावुकृष्ण महत, खरिदार (हाल निलम्बन) बद्रीप्रसाद दाहाल , खरिदार (हाल सहायक स्तर पाँचौं) कोषबहादुर थापा , खरिदार (हाल सहायक स्तर पाँचौं) माधवप्रसाद कोइराला , खरिदार(हाल ना.सु.) मणिराम कोइराला , खरिदार (हाल अवकास) प्रतिभा न्यौपाने क्षेत्री , खरिदार रघुनाथ के.सी, खरिदार (हाल ना.सु.) रामप्रसाद भट्टराई , खरिदार (हाल ना.सु)  तिर्थराज जैशी र टा.खरिदार (टा.ना.सु) तुलसा श्रेष्ठ अधिकारी रहेका छन्।

श्रोतका अनुसार ३८ (अठ्तीस) जना कर्मचारीहरु उपर आज विशेष अदालत काठमाडौंमा आरोप-पत्र दायर गरिएको छ ।

Total Page Visits: 70 - Today Page Visits: 1

Leave a Reply

Your email address will not be published. Required fields are marked *

Social Media Auto Publish Powered By : XYZScripts.com